O‘PKA EMBOLIYASINI ERTA ANIQLASHDA KT-ANGIOGRAFIYANING DIAGNOSTIK SAMARADORLIGI

Аннотация

O‘pka arteriyasi tromboemboliyasi (OATE) – yuqori o‘lim ko‘rsatkichi bilan kechadigan, tezkor tashxis qo‘yishni talab qiladigan shoshilinch patologiyalardan biridir. Kasallikning erta aniqlanishi va to‘g‘ri davolash taktikasi o‘lim va asoratlar xavfini sezilarli darajada kamaytiradi. Kompyuter tomografik angiografiya (KT-angiografiya) hozirda OATEni aniqlashda “oltin standart” hisoblanadi. Ushbu maqolada KT-angiografiyaning diagnostik imkoniyatlari, uning sezgirlik va xususiylik darajalari, shuningdek, kontrast modda qo‘llash texnikasining OATE diagnostikasiga ta’siri keng yoritildi. Tadqiqot natijalari KT-angiografiyaning erta bosqichda kichik va segmentar tromboembollarni aniqlashdagi yuqori samaradorligini ko‘rsatadi. Shuningdek, perfuzion buzilishlarning qo‘shimcha baholanishi klinik qaror qabul qilishda muhim ahamiyatga ega ekani asoslab beriladi. Olingan ma’lumotlar KT-angiografiya yordamida o‘pka emboliyasini erta aniqlash klinik amaliyotda eng optimal va ishonchli usul ekanini tasdiqlaydi.