O‘N IKKI BARMOQ ICHAKNING TESHILGAN YARASIDA JARROHLIK TAKTIKASINI OPTIMALLASHTIRISH: LAPAROSKOPIK VA AN’ANAVIY USULLARNI QIYOSIY TAHLIL

Аннотация

Mazkur tadqiqot o‘n ikki barmoq ichakning teshilgan yarasi bilan og‘rigan bemorlarda jarrohlik davolash taktikasini takomillashtirishga bag‘ishlangan. Tadqiqot 50 nafar bemorning tibbiy hujjatlarini retrospektiv tahlil qilish asosida o‘tkazildi. Bemorlar ikki guruhga ajratildi: birinchi guruhga laparotomiya orqali an’anaviy jarrohlik amaliyoti o‘tkazilgan 30 nafar bemor, ikkinchi guruhga esa diagnostik laparoskopiyadan so‘ng laparoskopik tikish bajarilgan 20 nafar bemor kiritildi. Klinik, laborator va instrumental ko‘rsatkichlar, operatsiya davomiyligi, operatsiyadan keyingi asoratlar, og‘riq sindromi, tana harorati dinamikasi hamda shifoxonada yotish muddati qiyosiy baholandi. Tadqiqot natijalari laparoskopik usul kam invazivligi, og‘riq sindromining kamligi, asoratlar sonining kamayishi va bemorlarning erta reabilitatsiyasi bilan ajralib turishini ko‘rsatdi. Olingan ma’lumotlar o‘n ikki barmoq ichakning teshilgan yarasida laparoskopik tikishni samarali jarrohlik usuli sifatida tavsiya etish imkonini beradi.