QURUQ KO‘Z SINDROMI BILAN KASALLANGAN BEMORLARDA AMBULATOR BOSQICHDA FIZIOTERAPEVTIK YONDASHUVLARNING KLINIK SAMARADORLIGINI BAHOLASH

Аннотация

Quruq ko‘z sindromi (QKS) zamonaviy oftalmologiyaning dolzarb muammolaridan biri bo‘lib, ko‘z yoshi plyonkasining barqarorligi buzilishi va ko‘z yuzasi shikastlanishi bilan tavsiflanadi. Mazkur tadqiqotning maqsadi quruq ko‘z sindromi bilan kasallangan bemorlarda ambulator bosqichda qo‘llanilgan fizioterapevtik yondashuvlarning klinik samaradorligini baholashdan iborat. Tadqiqot davomida bemorlarda ko‘zdagi noqulaylik hissi, quruqlik, achishish va ko‘rish sifatining pasayishi kabi klinik belgilar, shuningdek Schirmer testi va ko‘z yoshi plyonkasining parchalanish vaqti (TBUT) ko‘rsatkichlari tahlil qilindi. Fizioterapevtik muolajalar natijasida bemorlarda subyektiv shikoyatlarning kamayishi, ko‘z yoshi sekretsiyasining yaxshilanishi hamda ko‘z yoshi plyonkasining barqarorlashishi kuzatildi. Olingan natijalar quruq ko‘z sindromini kompleks davolashda fizioterapiya usullarining samarali va xavfsiz ekanligini ko‘rsatdi.