REVMATOID ARTRITDA QO'L-PANJA BO'G'IMLARIDA SINOVITNI ULTRATOVUSH TEKSHIRUVI YORDAMIDA ERTA ANIQLASHNING DIAGNOSTIK AHAMIYATI

Аннотация

Revmatoid artrit (RA) — bo'g'imlarning surunkali, progressiv shikastlanishi bilan kechadigan autoimmun kasallik bo'lib, uning erta bosqichlarida sinovial parda yallig'lanishi (sinovit) ko'pincha klinik jihatdan yashirin kechadi. Ushbu maqolada qo'l-panja bo'g'imlarida (metakarpofalangeal, proksimal interfalangeal va bilak bo'g'imi) sinovitni erta aniqlashda yuqori chastotali ultratovush tekshiruvi (UTT), jumladan B-rejim va Power Doppler texnikasining diagnostik ahamiyati o'rganildi. Tadqiqotga 90 nafar RA tashxisi qo'yilgan bemor jalb etilib, ularda klinik tekshiruv, UTT hamda bir qism bemorlarda magnit-rezonans tomografiya (MRT) natijalari qiyosiy tahlil qilindi. Natijalarga ko'ra, UTT klinik tekshiruvga nisbatan sezuvchanligi ancha yuqori bo'lib, klinik jihatdan remissiyada deb hisoblangan bemorlarning muhim qismida subklinik sinovit aniqlandi. Power Doppler rejimi sinovial to'qimadagi faol vaskulyarizatsiyani aniqlash orqali kasallik faolligini baholashda qo'shimcha imkoniyat yaratdi. Xulosa qilib aytganda, UTT RA bemorlarida bo'g'im zararlanishini erta bosqichda, arzon va xavfsiz usulda aniqlash imkonini beruvchi qimmatli diagnostik vosita hisoblanadi va uni amaliyotga kengroq joriy etish tavsiya etiladi.