O‘PKA XAVFLI KASALLIKLARIDA LIMFA TUGUNLARINI KOMPLEKS BAHOLASHDA ELASTOGRAFIYANING O‘RNI

Аннотация

O‘pka saratoni kasallanish va o‘lim darajasi bo‘yicha xavfli o‘smalar orasida yetakchi o‘rinlardan birini egallaydi. Tashxis qo‘yish va davolash taktikasini tanlashning asosiy bosqichi kasallik bosqichini aniqlash,  xususan,  mediastinal  va  xilyar  limfa  tugunlarining  zararlanish  xususiyatini  belgilashdir. An’anaviy  tasvirlash usullari  - kompyuter  tomografiyasi  (KT),  pozitron-emission  tomografiyasi (PET/KT)  va  endobronxial  ultratovush  tekshiruvi  (EBUTT)  yuqori  sezuvchanlikka  ega,  ammo yallig‘lanish  va  metastatik  o‘zgarishlarni  farqlashda  cheklangan  o‘ziga  xoslikka  ega.  To‘qimalar qattiqligini baholashga asoslangan innovatsion ultratovush usuli sifatida elastografiya turli zichlikdagi tuzilmalarni  obyektiv  ravishda  farqlash  imkonini  beradi  va  standart  radiologik  yondashuvlarni to‘ldiradi.