O‘PKA KASALLIKLARINING RENTGEN DIAGNOSTIKASIDA SUN’IY INTELLEKT: IMKONIYATLAR VA CHEKLOVLAR

Аннотация

Ushbu tadqiqot oʻpka kasalliklarini rentgenologik diagnostika qilish jarayoniga sunʼiy intellekt (SI) texnologiyalarini, xususan, chuqur oʻrganish (Deep Learning) modellarini integratsiyalashning ilmiy- amaliy jihatlarini tahlil qilishga bagʻishlangan. Maqolada SI tizimlarining koʻkrak rentgenogrammalari (R) va kompyuter tomografiyasi (KT) tasvirlarida patologiyalarni aniqlash, segmentatsiya qilish va ularni miqdoriy baholashdagi yuqori diagnostik samaradorligi isbotlangan klinik sinovlar natijalari asosida koʻrsatib oʻtilgan. Asosiy eʼtibor SI ning diagnostika aniqligini (AUC 0.90 dan yuqori) oshirish, skrining jarayonlarini tezlashtirish va kadrlar yetishmovchiligi sharoitida tibbiy yordam sifatini standartlashtirish imkoniyatlariga qaratilgan. Shu bilan birga, SI modellari uchun zarur boʻlgan maʼlumotlar toʻplamlarining umumlashtirish (generalizatsiya) qobiliyati, interpretatsiya qiyinchiligi ("qora quti" muammosi) va SI xatosi yuzasidan huquqiy masʼuliyatning noaniqligi kabi fundamental cheklovlar chuqur muhokama qilingan. Tadqiqot xulosasi SI ning kelajakda radiologik amaliyotda samarali  yordamchi  vosita  boʻlishini  taʼkidlaydi,  biroq  uning  toʻliq  integratsiyalashuvi  mahalliy maʼlumotlar bazalarini yaratish va tushuntiriladigan SI (XAI) mexanizmlarini ishlab chiqishni talab etadi.