Mazkur konferensiya materiallari to‘plami tibbiy reabilitatsiya sohasida erishilgan zamonaviy ilmiy yutuqlar, innovatsion texnologiyalar va istiqbolli rivojlanish yo‘nalishlariga bag‘ishlangan. To‘plamda reabilitatsiya tibbiyoti, fizioterapiya, davolovchi jismoniy tarbiya, nevrologik va ortopedik reabilitatsiya, sport tibbiyoti, diagnostika, profilaktika hamda bemorlarning hayot sifatini yaxshilashga qaratilgan ilmiy-amaliy tadqiqotlar natijalari jamlangan.

Nashr sog‘liqni saqlash tizimida reabilitatsiya  xizmatlarini takomillashtirish, fan va amaliyot integratsiyasini mustahkamlash, ilg‘or tajribalarni ommalashtirish hamda mutaxassislar o‘rtasida ilmiy hamkorlikni rivojlantirishga xizmat qiladi. To‘plamdan o‘rin olgan maqolalar va tezislar tibbiyotning turli yo‘nalishlarida faoliyat yuritayotgan olimlar, shifokorlar, tadqiqotchilar, magistrlar va doktorantlar uchun muhim ilmiy manba hisoblanadi.

Konferensiya materiallari HEALTHWAY.UZ ilmiy-amaliy elektron jurnalining maxsus soni sifatida nashr etiladi va tibbiy reabilitatsiyaning dolzarb muammolari hamda kelgusidagi rivojlanish istiqbollarini yoritishga qaratilgan.

[Ism familiya](2026). [maqola yoki tezis nomi]. Healthway, 2(3), [sahifasi]. https://healthway.uz/index.php/hw/issue/view/10/9